ພວກເຮົານໍາວັນຂ້າງຫນ້າມາເລີ່ມຕົ້ນທີ່ນີ້

• ເພື່ອເຮັດໃຫ້ພລາດຟອມ ສາມາດເຮັດວຽກໄດ້ກັບ ເອໄອທຸກໆໂມໂດ ທີມງານພວກເຮົາໄດ້ອັບເດດລະບົບໃໝ່ ແລະຮ່ວມເອົາ ຫລາຍເອໄອໂມໂດທີ່ກໍາລັງເປັນທີ່ນິຍົມເຂົ້າມາໃຊ້ ໃນນີ້ມີທັງເອໄອຈາກ open-source ແລະຂອງບໍລິສັດໃຫຍ່ເຊັ່ນ Google, OpenAI, Anthropic and Groq AI. ສະມາຊິກທຸກຄົນສາມາດເລືອກໃຊ້ ໂມໂດຕ່າງໆໄດ້ ຕາມຄວາມເຫມາະສົມ.

• ເລີ່ມຕົ້ນປີໃໝ່ນີ້ ທາງທີມງານພວກເຮົາໄດ້ອັບເດດລະບົບໃຫ້ມີຄວາມສາມາດເພີ່ມຂື້ນອີກລະດັບນື່ງ ໂດຍນໍາເອົາເອໄອໂມໂດໃໝ່ GPT4 Turbo GPT4 Vision preview ແລະ DALL-E-3 ເຂົ້າມາໃຊ້ ເນື່ອງຈາກຄວາມສາມາດ ແລະຄ່າບໍລິການຂອງແຕ່ລະໂມໂດແຕກຕ່າງກັນ ທ່ານສາມາດປັບປ່ຽນເລືອກໃຊ້ ເອໄອໂມໂດ ໄດ້ຕາມຄວາມຕ້ອງການແລະເໝາະສົມ

• ຄວາມສາມາດໃໝ່ມີຫຍັງແດ່?
  GPT4 Turbo ໂມໂດຫລ້າສຸດຂອງ OpenAi ໄດ້ຮັບການຝຶກສອນເຖີງ ເດືອນ 8/2022 ແລະມີຄວາມຮູ້ກ້ວາງຂວາງກວ່າ ທຽບໃສ່ GPT3.5 Turbo. ສ່ວນ GPT4 Vision ສາມາດວິເຄາະຮູບພາບໄດ້ໃນລະດັບທີ່ໃຊ້ໄດ້ ປຽບເໝືອນເອໄອສາມາດເບີ່ງເຫັນ. ສໍາຫລັບ ເອໄອໂມໂດຮູບພາບ DALL-E-3 ສາມາດສ້າງຮູບທີ່ມີຄຸນນະພາບສູງຂື້ນເຖີງ HD ນອກຈາກນີ້ຍັງມີ ເອໄອໂມໂດອື່ນໆທີ່ທາງພວກເຮົາຍັງບໍ່ທັນໄດ້ປະກອບໃສ່ລະບົບເທື່ອ ເຊັ່ນ Whisper ໂມໂດສໍາຫລັບສຽງ ແລະ TTS.

• ມີໂຄງການຫຍັງແດ່ໃນອະນາຄົດ?
  ນື່ງປີທີ່ຜ່ານມາທີມງານພວກເຮົາ ໄດ້ຕິດຕາມແລະສຶກສາການພັດທະນາຂອງ ເທັກໂນໂລຊີ ເອໄອ ຢ່າງໃກ້ສິດ ທັງດ້ານດີແລະດ້ານລົບ ໂດຍສະເພາະຕໍ່ສັງຄົມຂອງຄົນລາວເຮົາ ການນໍາເອົາເທັກໂນໂລຊີ LLM ອອກມາໃຫ້ຄົນລາວເຮົາໄດ້ທົດລອງຮຽນຮູ້ນໍາກັນແຕ່ວັນເລື້ມຕົ້ນ ເພື່ອຕຽມໂຕຮັບກັບສີ່ງປ່ຽນແປງໃໝ່ ຖືວ່າເປັນຄວາມພາກພູມໃຈຂອງທີມງານພວກເຮົາ.

  ມາຮອດວັນນີ້ ຄົນລາວສາມາດເຂົ້າໃຊ້ລະບົບເອໄອທົ່ວໄປໄດ້ຟຣີເຊັ່ນ ChatGPT ຂອງ OpenAi, Bing, Bard ແລະເອໄອອື່ນໆ ແຕ່ຄວາມສະດວກຄວາມສາມາດທາງພາສາລາວ ຍັງຖືວ່າມີບັນຫາຢູ່ ຄົງອີກໄລຍະຍາວກວ່າພາສາລາວຫລືພາສາທີ່ມີການຊົມໃຊ້ນ້ອຍ ຈະຖືກບັນຈຸໃນລະບົບຂໍ້ມູນເອໄອ.

  ທີມງານພວກເຮົາສ້າງລະບົບນີ້ຂື້ນມາບໍ່ແມ່ນເພື່ອຜົນກໍາໄລ ນອກຈາກທືນຮອນສ່ວນໂຕ ແລະລາຍໄດ້ສ່ວນນື່ງຈາກຄ່າ ບໍລິການ ທີ່ຄິດລາຄາຕົ້ນທືນ ເພາະສະນັ້ນການພັດທະນາລະບົບພວກເຮົາຈະບໍ່ວອງໄວທັນໃຈຄືທຸລະກິດທົ່ວໄປ. ເຖີງຢ່າງໃດກໍ່ຕາມພວກເຮົາຈະພະຍາຍາມ ພັດທະນາແລະນໍາເອົາແຕ່ສີ່ງທີ່ຄິດວ່າເປັນປະໂຫຍດອອກມາໃຫ້ ສະມາຊິກພວກເຮົາໄດ້ທົດລອງໃຊ້ ກະລຸນາຕິດຕາມຜົນງານພວກເຮົາຕໍ່ໄປ.

ChatGPT ສາມາດໃຊ້ປະໂຫຍດໄດ້ຫລາຍໆຢ່າງເຊັ່ນ:

• ເປັນຕົວແທນໃນການສົນທະນາ:

  ChatGPT ສາມາດເປັນຄູ່ຮ່ວມງານ ໃນການສົນທະນາທິບ virtual, ໃຫ້ຜູ້ໃຊ້ສາມາດມີການສົນທະນາແບບໂຕ້ຕອບ ຄ້າຍຄຽງກັບການເວົ້າລົມກັບຄົນຈີງ.

• ຊ່ອຍສ້າງປະພັນເນື້ອຫາ:

  ChatGPT ສາມາດສ້າງຂໍ້ຄວາມເນື້ອຫາໃນຮູບແບບຕ່າງໆ, ເຊັ່ນ: ບົດຄວາມ, ບັລອກ blog, ບົດລາຍງານ, ຄໍາຮ້ອງ, ແລະອື່ນໆ.

• ຊ່ວຍຕອບຄໍາຖາມລູກຄ້າ Chatbot:

  ສາມາດໃຊ້ເຂົ້າໃນລະບົບບໍລິການລູກຄ້າ ເພື່ອໃຫ້ຄໍາຕອບ ແລະແນະນໍາລູກຄ້າ ແບບອັດຕະໂນມັດ.

• ໃຊ້ໃນການແປພາສາ:

  ເຖີງບໍ່ແມ່ນໂຕແບບສໍາຫລັບແປພາສາໂດຍສະເພາະ, ChatGPT ສາມາດໃຫ້ບໍລິການແປພາສາຂັ້ນພື້ນຖານໄດ້ ຊື່ງຂື້ນກັບຄຸນນະພາບປະລິມານຂໍ້ມູນທີ່ຝຶກສອນມາ.

• ການສຶກສາ ແລະການຮຽນຮູ້:

  ChatGPT ສາມາດໃຫ້ຄໍາອະທິບາຍ, ຕອບຄໍາຖາມ, ແລະສະເຫນີໃຫ້ຄວາມກະຈ່າງແຈ້ງ ກ່ຽວກັບວິຊາຕ່າງໆໄດ້, ເຮັດໃຫ້ມັນເປັນເຄື່ອງມືທີ່ເປັນປະໂຫຍດສໍາລັບການຮຽນຮູ້.

• ຊ່ວຍເຫຼືອການຂຽນໂປຼແກຼມ:

  ນັກພັດທະນາຊອບແວຣ໌ ສາມາດໃຊ້ ChatGPT ເພື່ອຊ່ວຍເຫຼືອໃນການຂຽນໂຄດ, ຂຽນລະຫັດ ຫຼືຊ່ອຍໃຫ້ເຂົ້າໃຈແນວຄວາມຄິດການຂຽນໂປຣແກຣມ.

• ຊ່ວຍການສ້າງແນວຄວາມຄິດ:

  ChatGPT ສາມາດໃຊ້ເພື່ອຊ່ວຍໃນການສ້າງແນວຄວາມຄິດ ສໍາລັບໂຄງການຕ່າງໆ, ສ້າງຜະລິດຕະພັນ, ວາງແຜນທຸລະກິດ, ການໂຄສະນາການຕະຫຼາດ, ແລະອື່ນໆ.

• ນໍາໃຊ້ການປິ່ນປົວ:

  ຜູ້ໃຊ້ບາງຄົນໄດ້ພົບເຫັນວ່າ ChatGPT ສາມາດນໍາໃຊ້ໃນການບໍາບັດການປິ່ນປົວທາງຈິດປະສາດ, ເຖິງແມ່ນວ່າມັນບໍ່ແມ່ນການທົດແທນ ສໍາລັບການຮັກສາສຸຂະພາບຈິດແບບມືອາຊີບ ແຕ່ກໍ່ມີສ່ວນຊ່ອຍໄດ.

• ທາງບັນເທີງ:

  ChatGPT ສາມາດເອົາໄປໃຊ້ໃນການສົນທະນາແບບເບົາສະບາຍ ແລະຕະຫຼົກ, ບອກເລື່ອງຕະຫລົກ, ແລະຫຼິ້ນເກມທີ່ອີງໃສ່ຂໍ້ຄວາມຄໍາເວົ້າ

• ແລະອື່ນໆ:

  ໃຊ້ໃນການປະມວນຜົນວຽກງານແບບອັດຕະໂນມັດ, ວິເຄາະຂໍ້ມູນ, ແລະອື່ນໆອີກ...

ChatGPT ແມ່ນຕົວແບບພາສາ ທີ່ສ້າງຂໍ້ຄວາມແລະຄໍາຕອບ ດ້ວຍການເລີ່ມຕົ້ນຈາກຂໍ້ມູນນື່ງ ແລ້ວປະມວນຜົນຫາຂໍ້ມູນທີ່ໃກ້ຄຽງຫລືຄວນຈະເປັນ Prediction ໂດຍອາໃສການຝຶກສອນຈາກຂໍ້ມູນຢ່າງຫລວງຫລາຍ ,ຢ່າງໃດກໍ່ຕາມ ເຊັ່ນດຽວກັນກັບລະບົບ AI ອື່ນໆ, ຄວາມຖືກຕ້ອງຂອງ ChatGPT ແມ່ນບໍ່ສົມບູນແບບແລະຂື້ນກັບຜົນກະທົບຈາກປັດໃຈຕ່າງໆເຊັ່ນ:

ຄຸນນະພາບຂອງຂໍ້ມູນ, ສະພາບການຂອງການປ້ອນຂໍ້ມູນ, ຂະຫນາດແລະຄວາມຫຼາກຫຼາຍຂອງຂໍ້ມູນ, ແລະຄວາມຊັບຊ້ອນຂອງພາສາທີ່ໃຊ້ໃນການຝຶກສອນ.

ໂດຍທົ່ວໄປແລ້ວ, ChatGPT ປະຕິບັດໄດ້ດີໃນໜ້າວຽກເຊັ່ນ: ການສ້າງຂໍ້ຄວາມ, ການສະຫຼຸບ, ແລະການຕອບຄຳຖາມທີ່ເປັນຄວາມຈິງ. ແນວໃດກໍ່ຕາມ, ມັນອາດຈະບໍ່ສົມບູນກັບວຽກງານທີ່ລະອຽດອ່ອນເລິກເຊິ່ງ ທີ່ຮຽກຮ້ອງໃຫ້ມີເຫດຜົນຖືກຕ້ອງແມ້ນຍຳທົ່ວໄປ

ຄວາມຖືກຕ້ອງຂອງ ChatGPT ສາມາດແຕກຕ່າງກັນໄປຕາມໜ້າວຽກສະເພາະ ແລະຄຸນນະພາບຂອງຂໍ້ມູນທີ່ປ້ອນ. ມັນເປັນສິ່ງສໍາຄັນທີ່ຈະຈື່ຈໍາວ່າ ໃນຂະນະທີ່ ChatGPT ສາມາດສ້າງຂໍ້ຄວາມທີ່ມີຄຸນນະພາບສູງ ມັນຍັງເປັນລະບົບ AI ແລະອາດຈະບໍ່ສະຫນອງການຕອບ ທີ່ຖືກຕ້ອງຫຼືທີ່ກ່ຽວຂ້ອງແບບສະເພາະໄດ້.

ບາງເຫດຜົນທີ່ເປັນໄປໄດ້ວ່າເປັນຫຍັງ ChatGPT ບໍ່ເຮັດວຽກໄດ້ດີສໍາລັບບາງພາສາແມ່ນ:

• ການຂາດຂໍ້ມູນການຝຶກອົບຮົມ:

  ChatGPT ຕ້ອງການຂໍ້ມູນການຝຶກອົບຮົມຈໍານວນຫຼວງຫຼາຍ ເພື່ອຮຽນຮູ້ຄວາມຫມາຍຂອງພາສາ ຄໍາຄໍານື່ງຫລືປະໂຫຍກນື່ງ ອາດມີຄວາມໝາຍທີ່ແຕກຕ່າງໃນເຫດການທີ່ໃຊ້. ຖ້າບໍ່ມີຂໍ້ມູນພຽງພໍໃນພາສາໃດໜຶ່ງ ChatGPT ຈະບໍ່ສາມາດຕອບສະໜອງໄດ້ຢ່າງຖືກຕ້ອງ.

• ຄວາມຊັບຊ້ອນຂອງພາສາ:

  ບາງພາສາມີຄວາມຊັບຊ້ອນຫຼາຍກວ່າພາສາອື່ນໆ, ມີກົດເກນໄວຍາກອນ ສັນຍາລັກເຄື່ອງຫມາຍ ແລະຄວາມຫມາຍທີ່ສັບສົນກວ່າ. ໃນກໍລະນີພາສາທີ່ສັບສົນ ChatGPT ອາດຈະພະຍາຍາມສ້າງຄໍາຕອບຂື້ນເອັງໃນເວລາປະມວນຜົນ ຊື່ງນໍາໄປສູ່ການສ້າງຄໍາເວົ້າທີ່ບໍ່ໄດ້ຄວາມຫມາຍຫຍັງຫມົດ ຫລືຜິດພ້ຽນໄປ.

• ຄໍາສັບທີ່ຈໍາກັດ:

  ChatGPT ອາດຈະບໍ່ມີການເຂົ້າເຖິງຄໍາສັບທີ່ກວ້າງພຽງພໍໃນບາງພາສາ, ເຊິ່ງສາມາດຈໍາກັດຄວາມສາມາດໃນການສ້າງຄໍາຕອບທີ່ຖືກຕ້ອງ.

• ວັດທະນະທໍາຂອງພາສາຊາດ:

  ChatGPT ອາດຈະບໍ່ເຂົ້າໃຈ ຄວາມຫມາຍທາງວັດທະນະທໍາ ແລະການອ້າງອີງທີ່ສະເພາະກັບບາງພາສາຫຼືພາກພື້ນ. ນີ້ສາມາດນໍາໄປສູ່ການຕອບສະຫນອງທີ່ບໍ່ເຫມາະສົມຫຼືບໍ່ມີເຫດຜົນ.